Mesfushori i Paris Saint-Germainit, Adrien Rabiot e ka hedhur poshtë mundësinë e transferimit te Barcelona. Agjenti i francezit dhe drejtuesit e PSG-së kanë arritur marrëveshje për një kontratë të re, e cila do ta mbante 23- vjeçarin deri në vitin 2023.
Kontrata që e ka tani skadon verën e ardhshme. Edhe paga e tij do të pësojë ndryshime me kontratën e re, pasi që ai do të marrë rreth 550 mijë euro në muaj. Rabiot luan për ekipin e parë të PSG-së që nga viti 2013.