Sergej Milinokovic-Savic është rikthyer te Lazio. Një nga lojtarët më të lakuar të momentit në merkato. Mesfushori serb luajti për disa minuta me ekipin e Inzaghi-t gjatë humbjes 2-0 në miqësoren ndaj Arsenal. Me fjalë të tjera, një lajm i keq nga ndeshja, por një lajm i mirë nga merkato, sepse të shohësh yllin e skuadrës të luajë rregullisht dhjetë ditë nga fundi i merkatos do të ketë qetësuar, të paktën pjesërisht tifozët ashtu edhe trajnerin, i cili në ditët e fundit nuk dukej optimist rreth qëndrimit të mesfushorit.
Sigurisht, për sa kohë që merkato vazhdon, çdo gjë është e mundur dhe këtë e ka konfirmuar vetë Milinkoviç, pas ndeshjes: “Jam i lumtur që u riktheva në fushë. Kam një kontratë me Lazio-n. Në futboll asnjëherë nuk i dihet, por unë jam i përqendruar te skuadra ime.” Në rast se qëndron, mund të thuhet se një rol një rol kyç ka pasur mirëseardhja e treguar nga tifozët: “Nuk e prisja të gjeja kaq shumë njerëz kur u ktheva nga pushimet. Tifozët më kanë ndihmuar gjithmonë dhe mendoj se sivjet do të jenë të rëndësishëm për arritjen e suksesit.”
