Luka Modriç është ndër emrat më të lakuar të merkatos së verës. Për kroatin është shkruar dhe folur pa fund për një kalim të tij te Inter. Në fillim dukej si e pabesueshme, por tashmë duket se çdo gjë po shkon drejt finalizimit.
Real Madrid ka bërë foton zyrtare që do të ketë në rrjetet sociale dhe aty mungon mesfushori Modriç. Bale, Benzema, Kroos, Ramos dhe Marcelo janë 5 lojtarët që kanë pozuar, ndërsa nuk është numri 10. Sikurse raportojnë mediat e huaja, gjithçka vendoset ditën e nesërme, ku do të ketë një takim të lojtarit me presidentin Florentino Perez.