Mbrojtësi i djathtë i Atletico Madrid ka kaluar vizitat mjekësore në prag të transferimit te Inter në formë huazimi me opsion për blerje përfundimtare. Calciomercato.com raporton se Vrsaljko ka kaluar me sukses pjesën e dytë të vizitave mjekësore ditën e mërkurë.
Ai tani është në zyrat qendrore të klubit zikaltër për shkak të detyrimeve mediatike të klubit, përpara se të firmosë kontratën e re për huazimin njëvjeçar dhe opsionin për një kontratë katërvjeçare.
Inter pritet të paguajë 6.5 mln euro këtë verë për shërbimet e kroatit, me 17.5 mln euro që do të paguhen nëse Zikaltrit vendosin të blejnë përfundimisht kroatin.
