Thiago Alcantara mbetet pjesë e skuadrës së Bayern Munich për sezonin 2018-19, këtë e tregoi duke refuzuar çdo ofertë gjatë verës, bëri të ditur drejtori sportiv i kampionëve të Gjermanisë, Hasan Salihamidzic.
Produkt i Akademisë së Barcelonës, për Alcantara është folur se do të rikthehet në “Camp Nou”, teksa edhe Real Madrid dhe Manchester City janë interesuar gjithashtu për 27-vjeçarin.
Me Javi Martinez, Corentin Tolisso, Leon Goretzka, James Rodriguez, Renato Sanches dhe Thomas Muller që mund të luajnë në pozicionin e Thiago u mendua se Bayern do të pranonte shitjen e tij.
Por bavarezët preferuan të largonin Arturo Vidal dhe Sebastian Rudy.
“Sigurisht që është në planet tona. Kemi shtatë futbollistë për tre role, i takon trajnerit të vendosë. Thiago nuk preket, as që kishim ndërmend ta shesim. Nuk ishte në merkato. Jemi të lumtur që e kemi në ekip,” – tha Salihamidzic.
Thiago ka fituar pesë kampionate si pjesë e Bayern dhe dy herë Kupën e Gjermanisë.