Emanuel Mensah mund të quhet lojtari më i ri i Kukësit. Ish-sulmuesi i Laçit tashmë ka arritur akordin me verilindorët dhe burime për newsport.al tregojnë që ditën e nesërme ai do të mbërrijë në Shqipëri. Ganezi pritet të hedhë “të zezën mbi të bardhë” për t’u zyrtarizuar si sulmues i kuksianëve.
Mensah ishte në bisedime me klubin e Partizanit, por ishte trajneri Gega ai që i tha “Jo” afrikanit. Kujtojmë që në sezonin 2016-2017, 24-vjeçari ishte pjesë e kurbinasve. Shpejtësia në fushë dhe driblimet me top janë “armët” e tij më të forta. Tashmë ai do të vihet nën urdhrat e trajnerit Armando Cungu, i cili ka dhënë menjëherë “OK”-në për lojtarin ganez.