Mbrëmjen e së enjtes do të luhen ndeshjen e kthimit të raundit final kualifikues të Europa League. Një nga këto takime do të jetë edhe ai që do të luhet në Maqedoni mes Shkëndijës së Tetovës dhe Rosenborg. Miqtë kanë fituar ndeshjen e parë me rezultatin 3-1 dhe janë me një këmbë në fazën me grupe. Për sa i takon statistikave, në 70% të ndeshjeve që Rosenborg ka luajtur në transfertë, janë shënuar nënë 2.5 gola për ndeshje.
62% e golave të pësuar nga miqtë në kampionat, kanë ardhur në fushën e tyre. Gjithashtu, miqtë kanë shënuar dy gola ose më shumë në tri ndeshjet e fundit që kanë luajtur në këtë kompeticion. Vendasit luajnë për të siguruar pjesë marrjen e parë në fazën me grupe të Europa League.
Të enjten do të luhen edhe njëzet ndeshje të tjera dhe këto janë statistikat kryesore për secilën nga këto përballje:
Astana-APOEL: APOEL ka fituar 1-0 ndeshjen e parë. Ecuria e Astanës kundër APOEL është: 1 fitore, 1 barazim dhe 3 humbje. Astana është kampionia e Kazakistanit, APOEL e Qipros.
UFA-Rangers: Rangers do të shkojnë në Rusi me një avantazh 1-0. Humbja e pësuar në Skoci, ka qenë e para në transfertë për UFA. Herën e fundit që Rangers kanë luajtur në fazën me grupe të këtij kompeticioni ka qenë sezoni 2010/11.
AEK Larnaca-Trencin: Ndeshja e parë, e luajtur në Sllovaki, është mbyllur në barazim 1-1. Hera e fundit që qipriotët e AEK kanë luajtur në fazën me grupe të Europa League, ka qenë në sezonin 2011/12. Trencin eliminoi Feyenoord në radunin e kaluar.
Copenhagen-Atalanta: Ndeshja e parë është mbyllur në barazim pa gola. Vendasit kanë arritur në fazën e 1/32-ve të Europa League sezonin e kaluar, ndërsa Atalanta ka luajtur në çerekfinalet e këtij kompeticioni në sezonin 1990/91.
Leipzig-Zorya: Takimi i parë, i luajtur në Ukrainë, është mbyllur 0-0. Leipzig ka arritur deri në çerekfinalet e Europa League sezonin e kaluar, ndërsa Zorya kërkon kualifikimin e tretë radhazi në fazën me grupe.
Apollon-Basel: Miqtë kanë fituar 3-2 takimin e parë. Apollon ka marrë pjesë në fazën me grupe të sezonit të kaluar. të dy këto ekipe kanë zënë vendet e dyta në kampionatet respektive.
Cluj-Dudelange: Dudelange ka fituar 2-0 ndeshjen e parë dhe mund të bëhet skuadra e parë nga Luksemburgu që luan në fazën me grupe të Europa League. CFR Cluj merr pjesë në këtë kompeticion si kampione e Rumanisë, ndërsa miqtë janë kampionët e Luksemburgut.
Ludogorets-Torpedo: Ludogorets ka fituar ndeshjen e parë 1-0 dhe sezonin e kaluar ka shkuar deri në fazën e 1/32-ve të këtij kompeticioni. Torpedo do të kërkojë të bëhet skuadra e parë gjeorgjiane që kualifikohet në fazën me grupe të Europa League që nga sezoni 2004/05.
Maçabi Tel Aviv-Sarpsborg: Debutuesit e Sarpsborg kanë fituar 3-1 në Norvegji. Maçabi, nga ana tjetër, kanë luajtur në fazën me grupe në dy sezonet e kaluara.
Molde-Zenit: Zenit ka fituar 3-1 ndeshjen e parë të luajtur në Norvegji. Molde ka marrë pjesën në fazën me grupe të kompeticionit në sezonin 2015/16. Hera e fundit që Zenit nuk është kualifikuar në fazën me grupe ka qenë në sezonin 2009/10.
Qarabag-Sheriff Tiraspol: Sheriff do të kërkojë të mbrojë avantazhin 1-0 të marrë në ndeshjen e parë, por Qarabag është skuadra që ka eliminuar Sheriff-in në fazën kualifikuese të sezonit të kaluar të Champions League. Ecuria e Qarabag në gjashtë ndeshjet e fundit europiane që ka luajtur në shtëpi: 1 fitore, 2 barazime, 3 humbje.
Midtjylland-Malmo: Ndeshja e parë është mbyllur 2-0, me Molde që ka shpërdoruar avantazhin prej dy golash. Vendasit kanë arritur deri në fazën e 1/32-ve në debutimin e tyre në Europa League (2015/16). Pjesëmarrja e vetme e Malmo në fazën me grupe ka qenë në sezonin 2011/12.
Besiktas-Partizan: Ndeshja e parë është mbyllur 1-1. Besiktas ka mundur Partizanin dy herë në fazën me grupe të sezonit 2014/15. Pjesëmarrja e fundit e Besiktas në fazën me grupe të Europa League ka qenë në sezonin 2015/16.
Brondby-Genk: Genk fituar 5-3 ndeshjen e parë. Belgët kanë fituar të pesë ndeshjet që kanë luajtur në këtë sezon. Pjesëmarrja e fundit e Brondby në fazën me grupe ka qenë në sezonin 2005/96, ndërsa Genk ka arritur deri në çerekfinale në sezonin 2016/17.
FCSB-Rapid Vienna: Austriakët kanë fituar 3-1 ndeshjen e parë. Rumunët e Steauas kanë luajtur në fazën me grupet dy sezoneve të fundit të Europa League. FCSB ka zënë vendin e dytë në kampionatin e kaluar rumun, ndërsa Rapid ka dalë në vendin e tretë.
Trnava-Ljubljana: Spartak kryeson 2-0 pas ndeshjes së parë. Të dy këto skuadra synojnë të debutojnë në fazën me grupe. Spartak Trnava është kampionia e Sllovakisë, Olimpija Ljubljana e Sllovenisë.
Bordeaux-Gent: Ndeshja e parë është mbyllur në barazim pa gola, pavarësisht kartonit të kuq të marrë nga Boardeaux. Gent ka mundur Bordeaux në Kupën e Panaireve, në sezonin 1966/67.
Burnley-Olympiakos: Olympiacos ka fituar ndeshjen e parë 3-1. Kjo është pjesëmarrja e parë në një kompeticion të UEFA-s për Burnley që nga sezoni 1960/61. Olympiacos ka luajtur në fazën me grupe të sezonit 2016/17.
Celtic-Suduva: Takimi i luajtur në Lituani është mbyllur në barazim 1-1. Suduva është eliminuar nga Ludogorets në “playoff”-in e sezonit të kaluar.
Sevilla-Sigma Olomuc: Sevilla ka fituar 1-0 ndeshjen e parë falë një goli të Sarabia-s në minutat e fundit. Spanjollët e kanë fituar pesë herë këtë kompeticion, ndërsa çekët e Sigma-s duan të bëjnë debutimin e tyre në fazën me grupe të Europa League.
