Portieri i Uolverhemptonit, Rui Patrisio, do të mbajë veshur fanellën me numrin 11 këtë sezon, si shenjë respekti për ish-portierin e klubit, numrin 1 Karl Ikeme. “Ujqërit” konfirmuan se portugezi do të mbajë fanellën me numrin 11 që ka veshur gjatë fazës përgatitore.
Numri 1 i sezonit të shkuar, Xhon Rudi, do të mbajë numrin 21, ndërsa portieri i tretë Uill Norris, 31. Patrisio, i cili u transferua nga Sportingu i Lisbonës pritej të mbante numrin 1 pas tërheqjes së Ikemes. Por, duke bërë një gjest të respektueshëm, Patrisio kërkoi që të vazhdonte të mbante numrin 11 dhe ta linte 1 vakant, në respekt të portierit nigerian të rritur tek Uolvesi, i cili e mbylli karrierën këtë verë pasi u diagnostikua me leucemi 13 muaj më parë.
Një idhull i tifozëve, Ikeme luajti 207 ndeshje për klubin. Dhe pavarësisht se tashmë po shërohet, ai vendosi që të tërhiqej përfundimisht nga futbolli për shkak se kimioterapia i shkatërroi imunitetin.
