Meritan Shabani ka arritur të shënojë ditën e sotme në fitoren 3-1 që ekipi i dytë i Bayern Munich arriti ndaj Pipinsried në ligën rajonale të Bavarisë.
Talenti 19-vjeçar nga Kosova realizoi golin e dytë të takimit në minutën e 47-të duke i dhënë epërsinë e dyfishtë bavarezëve. Shabani nënshkroi kontratë profesionale me Bayern në maj të këtij viti që e mban te kampionët gjerman deri në vitin 2020, ndërkohë që ka luajtur në disa ndeshje miqësore me ekipin e parë.
Përsa i përket arenës ndërkombëtare, Shabani është ftuar në dy ndeshje nga përfaqësuesja U-18 e Gjermanisë por pa u aktivizuar për asnjë minutë.
