Usain Bolt pritet ta nisë nga stoli ndeshjen e tij të parë zyrtare si futbollist profesionist me skuadrën australiane të Central Coast Mariniers. Por para debutimit, ish-atleti xhamajkan, rekordmen i botës në 100 e 200 metra, njeriu më i shpejtë në botë, shprehet se cili është problemi i tij më i madh. “Mund të duket e habitshme, por problemi më i madh për mua është të vrapoj”, thotë Bolt.
Më tek, xhamajkani sqaron: “Ndryshe nga gara ime në pistë, që e nis dhe e përfundoj atë pa ndaluar me shpejtësi maksimale, në futboll duhet të mësohem me faktin se do të vrapoj shpejt, do të ndaloj dhe më pas të rinis vrapin, duke patur edhe topin ndër këmbë. Pra, gjithë këto veprime shpejtësie me trupin, me të cilat po filloj të ambientohem gradualisht”, thotë Bolt.
“Por kam kohë për të mësuar dhe nuk do të tërhiqem deri sa të ambientohem me këtë stil të ri”, tha Bolt. Ndërsa trajneri i skuadrës së Mariniers, Mike Mulvey, shtoi: “Usain do ta nisë ndeshjen nga stoli, por do të aktivizohet në fund”.
Warm up is underway!
Follow @usainbolt’s potential @CCMariners debut from 7:30pm AEST: https://t.co/ArmnndFvUk…#CCMvCCS pic.twitter.com/wrLKgzjAmr
— Hyundai A-League (@ALeague) August 31, 2018
