Alvaro Morata nuk ka një marrëdhënie aspak të mirë me rrjetet sociale. Këtë vit ka shënuar dy gola në derbin kundër Arsenal, por kritikët e tij ishin gati të godisnin, në pritje të momentit të duhur. Moment që ka ardhur në minutën e 45-të të ndeshjes Chelsea-Newcastle.
Spanjolli, në fakt, ka gabuar rol, sepse pak sekonda para fundit të pjesës së parë ka bërë një pritje shumë të bukur, duke i mohuar golin shokut të tij të skuadrës, Azpilicueta. Bota e internetit është përmbytur menjëherë nga mesazhe të shumta, që kishin në shënjestër ish-lojtarin e Juventus.
Nga “më mirë si mbrojtës se si sulmues” te disa fyerje të tepruara kundrejt spanjollit, i cili nuk konsiderohet i përshtatshëm për lojën e Sarri-t. Më pas, kur Morata është zëvendësuar në pjesën e dytë nga Giroud, komentet kanë vazhduar duke theksuar si sulmuesi, i blerë nga Chelsea sezonin e kaluar për rreth 60 milionë sterlina, nuk ka shkëlqyer në fushën e lojës.
Për fatin e futbollistit, ndeshja është mbyllur me një fitore të Chelsea-it, të arritur falë një penalltie dhe një autogoli. Kështu, “pritja” e spanjollit nuk ka ndikuar te rezultati final, por ka qenë një tjetër sinjal se sulmuesi nuk po përshtatet në Londër.
Morata is a better defender than a striker.#NEWCHE pic.twitter.com/Y0u61JSzRA
— Desi Gooner (@Sahil_Adhikaari) August 26, 2018
