Kukësi humbi mbrëmjen e sotme ndaj Flamurtarit me rezultatin 1-0. Pas përfundimit të takimit, në emisionin “Gol pas Goli” në Supersport ka folur trajneri i Kukësit, Armando Cungu i cili tregon se ekipi i tij ka bërë një lojë të mirë dhe se kundështari përfitoi nga një gabim.
“Ekipi zhvilloi një ndeshje të mirë. I vetmi moment që gaboi ishte ai i kornes dhe u ndëshkuam. Nuk mendoi se kundështari ishte më mirë. Në 30 minutëshin e pjesës së dytë luajtëm më mirë, por në fund të rëndësishme janë pikët. Kundërshtarët kanë marrë pikë të plota dhe më duhet të them që nuk ishte ky starti që kisha menduar. Sa i përket kontratave të lojtarëve, nuk jam unë personi i duhur. E kam theksuar dhe herë tjetër, nëse një sportist nuk e pranon konkurencën, nuk funksjonon.
Në 30 minutat e fundit sakrifikuam, pasi ndryshuam skemë, rrezikuam shumë. Tentuam të dalim para, por në fund të fundit nuk vlen asgjë nëse ekipi nuk shënon. Pashë një Kukës më të mirë se kundërshtari, thjesht përfitovi nga një gabim i yni. Terreni? Lë për të dëshiruar, si për ne ashtu dhe për ekipin kundështar, të penalizon në aspektin të organizimit të sulmit. Nuk mund të luhet futboll vetëm me topa të gjatë”.
