Paul Pogba është sërish nën radarin e Juventus. Ashtu siç u raportua ditën e djeshme, “Zonja e Vjetër” po lëviz të gjithë “gurët” që ylli francez të rikthehet sërish në Torino. Madje presidenti i Juventusit, Andrea Agneli ka gati ofertën mbi tryezë.
Kampionët e Italisë janë gati të paguajnë 50 milionë euro për Pogbanë plus kartonin e boshnjakut Miralem Pjaniç. Deri më tani s’ka asgjë zyrtare, por duhet thënë që Juventus duhet të mposhtë edhe konkurrencën e Barcelonës që ka kërkuar shërbimet e mesfushorit. Kujtojmë që Pogba ka kontratë me “Djajtë” deri në vitin 2021.
