Për Real Madrid po bëhet e vështirë ardhja e një sulmuesi të madh, që të zëvendësojë Cristiano Ronaldo, pasi të gjithë futbollistët e shënjestruar nga skuadra “merengues” në merkaton e verës së këtij viti, si Mbappe, Neymar e Hazard, nuk do të largohen nga ekipet e tyre. Për pasojë, presidenti Florentino Perez ka bërë me dije se skuadra që do të zbresë në fushë sezonin e ri është kjo që ka në dorë aktualisht trajneri Julen Lopetegui, duke i thënë se nuk do të ketë blerje të tjera.
PSG dhe Chelsea nuk i kanë lëshuar yjet e tyre, ndaj për Real është bërë e vështirë që të marrë një sulmues të kalibrit të CR7, ndaj sulmi i skuadrës madrilene për sezonin e ri do të jetë mes Bale, Benzema e Vinicuis.
Sipas “Don Balon”, më shumë hapësira do të ketë edhe Asensio, siç dhe ndodhi në miqësoren e fundit ndaj Juventus. Mungesën e një sulmuesi “big” Reali do ta ndjejë në takimet e mëdha, por presidenti Perez e ka “sqaruar” që tani trajnerin Lopetegui që të krijojë skuadrën e re me lojtarët që ka në dispozicion dhe të mos presë përforcime në ditët e fundit të merkatos.
