Alban Hoxha rimori këtë verë shiritin e kapitenit te Partizani pas largimit të Idriz Bathës dhe sikurse dihet portieri është një nga pikat kyçe të të kuqve. “Gardiani” ndërkohë ka një mbështetje të madhe edhe nga qyteti i Cërrikut, vendi i origjinës.
Së fundmi ka marrë edhe një vlerësim nga Bashkia e Cërrikut, që e ka cilësuar portierin si “Ambasador i Paqes”. Hoxha sigurisht që është ndjerë mirë pas këtij gjesti.
“Sot u vlerësova si “Ambasador i Paqes” nga Bashkia Cërrik. Faleminderit qytetit tim për vlerësimin!”, shkruan portieri i Partizanin në faqen e tij në “Facebook”. Portieri i Partizanit është edhe pjesë e kombëtares shqiptare, çka normalisht në Cërrik i bën të ndihen mirë.
