Malazezi Balsa Radovic është afrimi i fundit në radhët e bluzinjve të Luftëtarit. Mesfushori nga Podgorica ka qenë dy sezone më parë pjesë e Flamurtarit, ndërsa sezonin që lamë pas luajti me Kom Podgorica. Krahas afrimeve të lojtarëve me eksperiencë, drejtuesit e klubit gjirokastrit nuk po lënë pas edhe firmat me talente premtuese.
Elian Çelaj, i dalë nga akademia e Partizanit ka firmosur një kontratë afatgjatë me bluzinjtë. Ndërkohë, stërvitja vazhdon intensive në prag të fillimit të sezonit të ri futbollistik. Për të parë skuadrën në veprim, por edhe kolaudimin e grupit dhe kohezionin mes reparteve, Luftëtari ka planifikuar një ndeshje miqësore me fierakët e Apolonisë, këtë fundjavë.
