Luka Modric dhe e ardhmja e tij te Real Madrid është vënë në dyshim. Për këtë çështje ka folur edhe shoku i tij i skuadrës te Los Blancos, Lucas Vazquez. Sulmuesi anësor i Real Madrid ka dhënë versionin e tij të fakteve në lidhje me të ardhmen e mesfushorit kroat, aq shumë të përndjekur këtë merkato vere nga Inter i Luciano Spalletti, që sheh te numri 10 i merengues, kandidatin e duhur për të kompletuar mesfushën.
“Besoj se Modric nuk do të largohet nga Real Madrid. Do të jetë ai që do të vendosë. Ai është i kënaqur që ndodhet këtu me ne. Duhet të qëndrojmë të qetë, presidenti Florentino Perez ka dhënë se nuk është në shitje”, deklaroi spanjolli 27-vjeçar, që shuan dyshimet mbi largimin e ish-futbollistit të Tottenham, nga qyteti i Madridit.
