Tashmë duket se situata po merr udhë te Vllaznia e cila ka zgjidhur më në fund dilemat për pozicionin e trajnerit dhe drejtorit sportiv për sezonin e ri.
Nëpërmjet një komunikate zyrtare të klubit, njoftohet se pas fazës përzgjedhëse është vendosur që drejtor sportiv sezonin e ardhshëm të jetë Engin Firat, me turkun që në fillim u përfol për stolin e ekipit. Ndërkohë që trajner i Vllaznisë për sezonin e ri në Kategorinë e Parë do të jetë Hasan Lika.
Në këtë mënyrë ekipi shkodran plotësohet dhe bëhet gati për nisjen e punës për sezonin e ri, ndërkohë që është vërtet surprizues vendimi për rolin e drejtorit.
