Gennaro Gattuso ka kritikuar lojtarin e huazuar nga Chelsea Tiemoue Bakayoko pas debutimit të tij me Milan ndaj Napolit ditën e shtunë. Milan ishte në avantazh të dyfishtë deri në minutën e 50-të ndaj Napolit, por humbi 3-2 pas golave të Zielinski dhe Mertens.
Bakayoko u fut në fushë pak pasi Napoli kishte shënuar golin e parë por nuk kishte impaktin e dëshiruar.
“Bakayoko duhet të mësojë si të fitojë topin,” shprehet Gattuso. “Duhet të punojmë ashtu siç duhet, nuk do të jetë e lehtë. “Një javë nuk mjafton për të hequr defektet e një lojtari. Do të preferoja të trajnoja lojtarë më të vjetër dhe më me eksperiencë.”
