Bëhet gjithnjë dhe më e vështirë për Inter që të kthejë në realitet ëndrrën Luka Modric.
Në fakt, pas shitjes së Cristiano Ronaldo tek Juventus, presidenti i Real Madrid nuk ka ndërmend të privohet edhe nga mesfushori kroat, të cilin ka vendosur ta bindë me një ofertë të çmendur.
Sipas “Sport Mediaset”, numri një i “Los Blancos” është gati t’i ofrojë atij 14 milionë euro në sezon. Katër më shumë nga oferta e zikaltërve, të cilët i kanë garantuar kroatit 10 milionë euro për katër vitet e ardhshme.
