Jose Mourinho i është kundërpërgjigjur rivalëve të Manchester City-t duke i akuzuar që u mungon klasi pasi klubi nxori dokumentarin “All or Nothing” në Amazon Prime duke kritikuar taktikat e tij.
Dokumentari me tetë pjesë ka dalë ditën e premte dhe ndjek skuadrën e Pep Guardiola-s gjatë gjithë sezonit 2017/18 ku është shpallur kampion i Premier League.
Dhe, gjatë episodit të dytë, shikuesit kanë parë prapaskenat e fitores së derbit në Old Trafford gjatë dhjetorit të kaluar.
Gjithsesi, në përgatitjen e ndeshjes shfaqen tifozët e City-t që këndojnë të këngën e famshme tashmë “Park the Bus” pas ndeshjes me klipe që kritikojnë taktikat e Mourinho-s.
“Mund të bësh një film fantastik duke ruajtur respektin për të tjerët,” shprehet Mou kur pyetet për dokumentarin.
“Nuk ke pse tregon mungesë respekti. Mund të jesh një klub i pasur dhe të blesh lojtarët më të mirë në botë por nuk mund të blesh klasin dhe këtë e kanë treguar qartë.”
