Cristiano Ronaldo është zgjedhur sulmuesi më i mirë në Kupat e Europës, për sezonin 2017/18 nga UEFA.
Qeveria e futbollit europian vlerësoi portugezin, tre herë radhazi fitues i Champions League dhe golashënuesi më i mirë i historisë së kësaj veprimtarie, si sulmuesin më të mirë, gjatë ceremonisë së hedhjes së shortit të fazës me grupe të Ligës së Kampioneve në Montekarlo.
Gjatë verës, Ronaldo kaloi nga Real Madrid te Juventus për rreth 100 milionë euro. Në karrierën e tij ai e ka fituar pesë herë trofeun e Champions League.
Për këtë çmim votuan 32 trajnerët që morën pjesë në fazën me grupe të Champions, 48 trajnerët pjesëmarrës në Europa League dhe 55 gazetarë, një nga secili vend anëtar i UEFA-s.
