Futbolli italian po kthehet në vendin e merituar pas vitesh të tëra krize dhe qëndrim në hije. Merkatoja e kësaj vere ka sjellë emra të bujshëm të futbollit, ku dominon kalimi i Cristiano Ronaldos te Juventusi. Por pas nuk mbetet as Interi që ka ndërtuar një skuadër konkuruese në letër për titullin e Serisë A. Milani ka goditur me dyshen Higuain-Caldara.
Për merkaton dhe ringritjen e futbollit italian, ka komentuar dhe legjenda italiane dhe njëri prej mbrojtësve më të mirë të të gjitha kohërave Paolo Maldini.
Në rolin e opinionisit të kompanisë mediatike “DAZN” ai i ka vlerësuar pozitivisht tre ekipet kryesore të Italisë për blerjet e kryera, por ka shprehur një vlerësim të veccantë për zikaltërit, për të cilët theksoi “se kanë ndërtuar një skuadër të jashtëzakonshme”.
Ndoshta ky koment mund të ngjasojë pak i vështirë për t’u pranuar nga tifozët e Milanit, megjithatë Maldini mbetet ikona e përjetshme e “Djallit”.
