Maurizio Sarri ka fituar ndeshjen e tretë radhazi si trajneri i Chelsea-t, por ishte sjellja e tij në pankinë që ka tërhequr sërish vëmendjen e publikut.
Italiani është parë duke futur një cigare në gojë teksa shihte Blutë e tij duke fituar në fund të takimit ndaj Newcastle.
Sarri, një duhanxhi i njohur, është parë shpeshherë në Serie A duke tymosur, por ligjet në Angli nuk e lejojnë të ndezë një cigare në vende publike.
Ish-trajneri i Napolit duket se kishte vetëm një filtër cigareje në gojë, ashtu siç e ka bërë edhe në Community Shield ndaj Manchester City-t.
Mësohet se Chelsea po kërkon të ndërtojë një zonë të veçantë në Stamford Bridge ku Sarri mund të tymosë në ditën e ndeshjes.
