Partizani ka nisur përgatitjet për takimin premier të kampionatit të ri kombëtar, që do ta luajë ndaj Skënderbeut. Nën drejtimin e trajnerit Skënder Gega, skuadra e kuqe ka kryer seancën stërvitore në fushën e kompleksit sportiv “Tirana Internacional” të Pezës, në orën 19:30.
Në seancë kanë qenë prezent të gjithë lojtarët. Nga sot, “demat” do të akomodohen në hotel ”Univers” të Elbasanit, për t’u stërvitur në kompleksin sportiv “Pepa”. Kujtojmë se ndeshja mes Skënderbeut dhe Partizanit do të luhet të premten e 17 gushtit, ora 19:45, në stadiumin e Korçës.