Drejtori i FA Greg Clarke ka konfirmuar se kërkon të zhvillojë Kupën e Botës 2030. Duke bërë deklaratën e parë publike mbi këtë çështje, shefi FA ka zbuluar se puna për të bërë ofertën potenciale ka filluar.
FA shpreson që kandidatura e Anglisë do të jetë kandidati europian për të zhvilluar kompeticionin me 48 ekipe.
Më pas Clarke ka pranuar se akuzat e fundit të bëra në drejtim të Katarit, ku do të zhvillohet Kupa e Botës 2022, duhet të investigohen.
Duke bërë shpalljen zyrtare për 2030, ai ka sinjalizuar vendosmërinë e Anglisë për të demonstruar se vendi i tij nuk ka treguar asnjë lloj arrogance gjatë kandidaturës për vitin 2022.
