Flamurtari duket se këtë sezon nuk ka vetëm pretendime por edhe punë konkrete. Afrimet e verës, stafi i ri teknik dhe puna në terren dhanë rezultatet e para në fushë me fitoren kundër Kukësit.
Megjithatë puna nuk ndalet me kaq, pasi administratori i vlonjatëve Sinan Idrizi ka paralajmëruar risi të reja shumë shpejt. Bëhet fjalë për fanelat e klubit të cilat pritet të ndryshojnë, pasi do të jenë të personalizuara nga kompania e famshme amerikane “Nike”. Po ashtu Idrizi ka lajmëruar dhe shfaqjen e një sponsori të ri në fanelë që pritet të jetë kompania e sapothemeleuar ajrore “AIR Albania”.
Këtë gjë Idrizi e bëri të ditur dje pas ndeshjes për mediat, duke thënë se çdo gjë do konkretizohet shumë shpejt.
