Edhe pse admiruesit i ka të shumtë, aq sa PSG ofroi 90 milionë euro për ta marrë, mesfushori kroat Ivan Rakitic ka konfirmuar se nuk do të largohet nga Barcelona. Mesfushori kroat luajti 90 minuta në fitoren 1-0 të skuadrës “blaugrana” në fushën e Real, Valladolid, duke qenë një lojtar i rëndësishëm për trajnerin Valverde.
Kroati ka folur pas ndeshjes, duke thënë se për të ka qenë një periudhë e vështirë, por në fund ka mnarrë vendimin përfundimtar për të ardhmen e tij. “Ditët e fundit kam reflektuar shumë për të ardhmen time, por në fund kam vendosur të qëndroj. Për mua është një privilegj që mbaj të veshur fanellën e Barcelonës”, tha Rakitic.
Më tej, kroati shprehet se dëshiron ta qëndrojë sa më gjatë të Barcelona. “Do të ishte e mrekullueshme sikur kjo të ndodhte, që të luaja përgjithnjë këtu. Kjo është skuadra ime, këtu dihem mirë dhe besoj se mund të bëjmë ende shuymë gjëra të bukura së bashku”, u shpreh mesfushori 30-vjeçar kroat Ivan Rakitic.
