“Paris United” raporton se Adrien Rabio ka hedhur poshtë një kontratë me PSG-në… sërish, duke ushqyer spekulimet se mesfushori mund të jetë larg Parisit.
Raporti thotë se PSG ofroi të rriste pagën e tij në 7.2 milionë euro në sezon, plus bonuse. Shpërblimet thuhet të jenë të bazuara në paraqitjen kolektive dhe mjaft të fuqishme, që të përpiqen të përputhen me pagën sipas dëshirave të tij.
Por Barcelona ofron plot 10 milionë në vit për Rabio, sipas burimit dhe Rabio duket më se i tunduar për të lëvizur.
Negociatat thuhet se po vazhdojnë, por një gjë që mund ta komplikojë atë për PSG është se marrëdhënia e tij me drejtorin sportiv të ekipit, Antero Henrique, është “e tensionuar”. Oferta e PSG thuhet të jetë për dy vjet të tjera, gjë që me sa duket është ashtu siç dëshiron lojtari.
Nëse PSG nuk është në gjendje të rinovojë kontratën e tij, ata ose do të duhet ta shesin atë shumë shpejt ose të rrezikojnë të lënë atë të lirë kur kontrata e tij skadon vitin e ardhshëm.
