Jan Oblak ishte vendimtar në mbrëmjen e së shtunës në Wanda Metropolitano ndaj Rayo Vallecano. Nuk ishte hera e parë që portieri bën diferencën për skuadrën e Diego Simeones. Klauzola 100 mln euro e gardianit është një shqetësim për Atletico Madrid dhe prandaj duan ta rinovojnë kontratën e tij, duke shtuar një klauzolë 200 mln euro për t’u siguruar që ai të qëndrojë për shumë vite në kryeqytetin spanjoll.
Atletico ka bërë një merkato të madhe gjatë verës dhe ka arritur të mbajë edhe një nga portierët më të mirë në botë. Chelsea donte me çdo kusht sllovenin, por si përfundim mori Kepa nga Athletic Bilbao për 80 mln euro. Edhe Real Madrid donte Oblak, por mori Courtois nga Chelsea.
Ideja e Atletico-s për rinovimin e kontratës së 25-vjeçarit është të përfundojë përpara Krishtlindjes me një rrogë të përmirësuar për të treguar rëndësinë e tij në skuadër.
