Skuadra e Monacos dëshiron të nënshkruajë me mesfushorin e Sevillas, Steven N’Zonzi. Lojtari ndiqet me shumë interes edhe nga italianët e Romës, të cilët kanë bërë edhe një ofertë zyrtare për të, por që është konsideruar e ulët nga spanjollët.
Steven N’Zonzi më herët ka deklaruar se dëshiron të largohet nga Sevilla, por pretendimet e larta të andaluzianëve kanë penguar gjithçka. Për mesfushorin kampion bote, kanë shprehur interes edhe Arsenal e PSG, por në Angli është mbyllur merkatoja tashmë.
