Yann Karamoh i thotë mirupafshim ekipit të Inter. Sulmuesi francez, me origjinë nga Bregu i Fildishtë, i ardhur vetëm një vit më parë nga Caen, i ka thënë “po” ekipit të Saint Etienne. Yann i pëlqente edhe Schalke dhe Spartakut të Moskës, por në fund vendosi dëshira e tij për t’u kthyer në Ligue 1.
Marrëveshja është arritur dhe nesër, në ditën e fundit të merkatos në Francë, numri 7 do të zbarkojë te skuadra e re.
20-vjeçari nuk kishte shumë hapësirë në këtë sezon, sidomos pas ardhjes së Keita dhe Politano. Ai ka luajtur vetëm 8 minuta kundër Sassuolo në dy javët e para.
Ai vendosi të largohet në momentin që e kuptoi se nuk kishte vend as në listën Champions, ndërsa Inter nuk ka marrë asnjë ofertë për Joao Mario dhe Candreva, futbollistët e tjerë që kanë mbetur jashtë planeve të trajnerit Spalletti.
