Alberto Akuliani nuk e harron periudhën te Milani, pavarësisht se kujtimet nuk janë nga më të mirat. Në një intervistë mesfushori ka deklaruar se: “Në sezonin e parë te Milani luajta 18 ndeshje dhe nëse zhvilloja 26, klubi duhet të më blinte. U dëmtova dhe Galiani më tha të mos shqetësohesha, por në fund nuk më bleu. Liverpuli u ndje i vënë në lojë dhe më transferoi diku tjetër”.
Kuqezinjtë nuk janë gati për Ligën e Kampioneve, të paktën ky është mendimi i 34-vjeçarit. “Milani ka bërë blerje të goditura, por Napoli, Roma dhe Interi janë një hap përpara. Ajo që më habiti, ishte rikthimi i Bonuçit, por Juvja në një moment të tillë ishte një zgjedhje guximtare nga ana e tij”, përfundoi Akuliani.
