Mançester Junajtid siguroi kualifikimin në Ligën e Kampionëve për sezonin tjetër vetëm në javën e fundit të Premier Ligës. “Djajtë e Kuq” fituan 2-0 kundër Leiçester Sitit për të siguruar vendin e tretë në rënditje.
Por ky kualifikim në Ligën e Kampionëve i ka kushtuar disi arkave të klubit anglez. Mançester Junajtid duhet t’i paguajë 2.7 milionë euro ekstra Sporting Lisbonës, për Bruno Fernandesin.
Kjo pasi në klauzolën e transferimit të mesfushorit në “Old Traford” ka qenë edhe një opsion që nëse Mançester Junajtid kualifikohej në Ligën e Kampionëve do paguante edhe 2.7 milionë të tjera Sportingut për Fernandesin.
