Ish-mesfushori i Inter Nicola Berti pretendon se ekipi aktual ka harruar 60,000 tifozët që ishin në stadium dhe fanellën që kanë veshur. Berti fitoi titullin e Serie A dhe dy Kupa Uefa me Inter mes 1988 dhe 1998, dhe ish lojtari i përfaqësueses italiane është pyetur rreth situatës aktuale të ekipit.
“Lojtarët e Inter duhet të kuptojnë se përpara kujt po luajnë dhe fanellën që kanë veshur,” shprehet ai për La Repubblica. “Ata ia kanë borxh 60,000 tifozëve që ishin në San Siro ditën e diel. Spalletti duhet të punojë në aspektin mendor.
“Shumë lojtarë janë rikthyer vonë nga pushimet dhe pas ndeshjeve ndërkombëtare do të shihni Inter-in e vërtetë. “Gjithsesi, ka diçka që mungon në mesin e fushës. Po ashtu edhe në sulm.”
