Federata Afrikane e Futbollit ka përdorur dorë të hekur për 21 gjyqtarë, që janë përfshirë nga një skandal korrupsioni. CAF ka përjashtuar përgjithnjë nga futbollit 7 gjyqtarë nga Gana, ndërsa 14 të tjerë nga shtete të ndryshme të Afrikës, janë përjashtuar për 10 vjet nga të gjitha kompeticionet. Skandali u bë publik dy muaj më parë pas një hetimi që pat bërë një gazetë afrikane, që ka zbuluar një seri ryshfetesh që u jepeshin si gjyqtarëvbe ashtu dhe asistentëve. I përfshirë në kërtë skandal edhe gjyqtari kenian Aden Range Marwa, që duhej të ishte në Botërorin “Rusi 2018”, por u zbulua dhe u përjashtua.
CAF bëri publik vetëm vendimin dhe dënimin, pa dhënë detaje të tjera nga hetimi që ajo ka kryer javët e fundit. Të gjithë gjyqtarët janë thirrur një e nga një nga këshilli i disiplinës së CAF. 14 gjyqtarët e përjashtuar për 10 vjet nga aktiviteti gjykojnë në Benin, Guinea, Guinea-Bissau, Senegal, Kongo, Madagaskar, Ganë dhe Liberi. Hetimet nisën në maj pas një dokumentari që u publikua nga një gazetar anez, që zbuloi edhe këtë rrjet rushfetesh që jepej në futbollin afrikan, që ka përfshirë edhe trajnerë e drejtues.
