Christian Abbiati, i intervistuar nga “Radio Sportiva”, ka dhënë deklaratën e mëposhtme ku shpjegon arsyen e largimit nga Milan: “Një aventurë të re? Të shohim. Unë u largova nga Milan në momentin që si shumë të tjerë e kuptuam se çfarë po ndodhte me pronarët e vjetër të klubit dhe se pronarët e rinj do të nisin gjithçka nga zero.”
Më pas ai shtoi: “A mund të kthehem te Milan? Kam një dyqan rrobash vetëm 50 metra larg selisë së klubit. Nëse më duan e dinë ku mund të më gjejnë.”
Për largimin e Bonucci, ai shtoi: “Mbeta i habitur që zgjodhi të kthehet te Juventus, por të gjithë ne e dimë se është një profesionist i madh.”
