Revista “Four four two” ka publikuar së fundmi listën e portierëve më të mirë në botë dhe dominojnë ata që luajnë në Angli, pasi katër prej tyre janë përfshirë në 10 portierët më të mirë në botë.
Gjithsesi në krye të listës është një slloven, ai i Atletiko Madrid. Pikërisht Jan Oblak është cilësuar si portieri më i mirë në botë për momentin, ndërkohë që pas tij renditen David De Gea dhe Tibo Kurtua, të cilët mbyllin podiumin.
Emra si Bufon dhe Nojer nuk renditen në pesë më të mirët në botë për momentin, madje para numrit një të Gjermanisë ndodhet edhe Ter Shtegen, që në kombëtaren gjermane është numri dy.
