Skënderbeu dhe Laçi diskutojnë për herë të tretë mes tyre një finale të Superkupës së Shqipërisë. Korçarët, vijnë në këtë sfidë me petkun e kampionëve të dyfishtë, në Superiore, por edhe si triumfues në Kupën e Shqipërisë, ndërsa Laçi, vjen si humbës i Kupës.
Të dy ekipet kanë në pankinat respektive trajnerë debutues, Mërgjyshi për herë të parë te kurbinasit, ndërsa Shehi, ndeshja e parë në karrierën e re si teknik.Të dy trajnerët, por edhe ekipet respektive, do kërkojnë patjetër fitoren e këtij trofeu, për të nisur mbarë punën.
Ky takim do të luhet në “Selman Stërmasi” në orën 20:00 dhe tashmë të dy teknikët i kanë publikuar formacionet zyrtare.
Formacionet
Skënderbeu: Teqja, Vangjeli, Radas, Aliti, Abazi, Muzaka, Demte, Dita, Gripshi, Krasniqi, Bregu
Trajner: Orges Shehi
Laçi: Selmani, Sefgjini, Fangaj, Jonuzi, Uzuni, Bushi, Gjoni, Shtubina, Xhixha, Lushkja, Eler
Trajner: Artan Mërgjyshi