Me Hakan Çalhanoglunë e skualifikuar, dilema e vetme për Gatuzon ka qenë pikërisht zëvendësuesi i turkut. Gjatë javës është spostuar Bonaventura në të djathtë të sulmit, teksa vendi i tij në mesfushë është marrë nga Tiemue Bakajoko.
Sipas “Sky Sport”, 4-3-3-shi gatuzian nuk do të ndryshojë ndaj Napolit, ku ndryshe nga sa thamë më sipër, mund të jetë Borini surpriza e vërtetë në vend të Çalhanoglusë, me Bonaventurën që do të ruante kështu vendin e tij në treshen e mesit të fushës.
Zapatën dhe Montolivon të pagrumbulluar, mbrojtja i besohet dyshes Romnjoli-Muzakio. Për Kaldarën duket i vështirë debutimi nga minuta e parë, duke ditur vështirësitë e tij me pozicionin e ri (tek Atalanta luante me tre mbrojtës).
Çështje ambientimi dhe përvoje këto, me Gatuzon që beson te 24-vjeçari, por që dukshëm do ta aktivizojë në një ndeshje më të lehtë, të paktën teorikisht.