Pas Federico Bernardeschi-t në 2017 dhe Marko Pjaca-s këtë vit, Fiorentina dhe Juventusi mund të ulen përsëri në tryezën e negociatave, pas vitesh konfliktesh midis drejtuesve.
Gjatë takimit për të shitur lojtarin kroat tek ekipi vjollcë, Giuseppe Marotta, drejtori teknik i bardhezinjëve, ka hedhur themelet për Federico Chiesa-n, të preferuarin e presidentit të Napolit Aurelio De Laurentiis.
Sipas asaj që raporton e përditshmja La Stampa, në fakt, lojtari i lindur në vitin 1997 do të jetë objektivi i parë i Zonës së Vjetër për verën e vitit 2019. Skuadra toskane e ka bërë të ditur disa herë që nuk ka ndërmend të diskutojë asnjë tratativë për shitjen e talentit në këtë sesion merkato, por situata mund të ndryshojë pas një viti kur, pasi të luajë një sezon më shumë si titullar, talenti mund të vendosë të bëjë kapërcimin e madh dhe të ndjekë hapat edhe pse dy vjet më vonë të Bernardeschi-t me të cilin ka qenë shok skuadre.