Tottenham duket se ështyë lënë jashtë garës për të marrë sulmuesin Wilfried Zaha, pas deklaratës që Crystal Palace ka bërë se dëshiron 75 milionë stërlina për të marrë lojtarin. Shumë të cilën Chelsea është gati ta paguajë për të marrë lojtarin nga Bregu i Fildishtë, madje marrëveshja mund të mbyllet shumë shpejt. Trajneri i Spurs, Pochettino, e pat kërkuar me ngulm Zaha, por kërkesa e lartë që Palace bëri për ta lënë të lirë lojtarin frenoi bisedimet, por nga ana tjetër ngjalli interesimin e Chelsea, që është hedhur në sulm.
Zaha, i cili vjet nënshkroi një marrëveshje me Palace, nga e cila përfiton 100 mijë stërlina në javë, refuzoi rinovimin e saj me vetëm 25 mijë stërlina më shumë se rroga aktuale. Ndaj dhe Chelsea është gati t’ia plotësojë dëshirën lojtarin, duke i ofruar një rrugë më të majme, për të evituar çdo surprizë në rast se Willian do të largohet deri në fund të merkatos së verës (braziliani ka oferta nga Barcelona dhe Manchester United). Për këtë arsye, “blutë” e Londrës janë gati të ofrojnë 75 milionë stërlina për lojtarin dhe më pas të lënë të lirë Willian.
