Ish-portieri dhe drejtuesi i Milani-t, Christian Abbiati, ka folur për të kaluarën e afërt dhe për të ardhmen e kuqezinjve. “Maldini dhe Leonardo janë dy miq dhe dy profesionistë të mëdhenj, njerëzit e duhur për klubin”, ka thënë ai.
Në lidhje me drejtuesit e vjetër: “Kishte një rrëmujë të madhe. Pika ime e referimit ishte Gatusso, ndërsa Montella ka qenë një katastrofë. Nuk kishte besim tek asnjeri dhe këtë e ka paguar me rezultatet negative”.
Abbiati ka folur edhe për situatën e portierëve te kuqezinjtë: “Reina dhe Donnaruma do të ndihmojnë njëri-tjetrin të japin maksimumin. Për Donnarumma-n gjëja më e mirë është të qëndrojë te Milan, edhe pse ka ndryshuar përgatitësi i portierëve dhe dua të shikoj me një sistem të ri pune. Gigio nuk është përmirësuar më, është ndalur”.
