Ndeshja e International Champions Cup që do të zhvillohet mbrëmjen e sotme (00:00) mes Real Madrid dhe Juventus do të jetë e fundit për këtë sezon me bardhezinjtë për Andrea Favilli.
Qendërsulmuesi i ri, i cili duhet të jetë titullar kundër “Los Blancos”, do të huazohet me të drejtën e blerjes nga Genoa pas kthimit të skuadrës nga turneu amerikan.
Kosto totale e operacionit mund të jetë 12 milionë euro, por Juventus do të ketë të drejtën e “recompra”-s (riblerjes): 16 milionë euro pas një viti, 23 në verën e 2020-ës.
Ish-lojtari i Ascoli-t ka treguar vlerat e tij me 3 gola të shënuar në po kaq ndeshje të luajtura në turneun amerikan dhe në sezonin e ardhshë, i pari për të në Serie A, do të kërkojë të sigurojë një vend të rëndësishëm te skuadra e Ballardini-t.
Juventus, nga ana saj, beson te potenciali i talentit të datëlindjes 1997-ën dhe për këtë arsye ka dashur t’i japë mundësinë vetes për riblerjen e kartonit të tij.