Një lojtar i ri i skuadrës së Aurillac (Divizioni i dytë francëz) në regbi, Louis Fajfrowsky, ka humbur jetën pas një goditje që ka marrë gjatë një ndeshje miqësore. Lajmin e ka konfirmuar skuadra e lojtarit 21-vjeçar. “Louis ndërroi jetë si pasojë e një problemi shëndetësor që pati në dhomat e zhveshjes gjatë një ndeshje miqësore”, thuhet në deklaratën e klubit francez.
Lojtari kishte dalë nga fusha i shoqëruar nga mjeku i skuadrës së tij pas një bllokimi që i kishin bërë në fushë lojtarët e skuadrës rivale të Rodez. I trullosur, Fajfrowsky arriti të shkojë në dhomat e zhveshjes, por aty humbi ndjenjat dhe rreth orës 20:00 të së premtes ndërroi jetë. Gjithsesi, policia franceze tha se po heton dhe se autopsia do të sqarojë shkaqet e kësaj ngjarje.
Le @SArugbyofficiel a la douleur de faire part du décès de Louis FAJFROWSKI, jeune joueur espoir. Louis est décédé à la suite d’un malaise dans le vestiaire lors d'un match amical.Le Stade Aurillacois est en deuil et ses membres adressent leurs sincères condoléances à sa famille.
— Stade Aurillacois (@SArugbyofficiel) August 10, 2018
