Manchester City ka arritur marrëveshje për transferimin e portierit 16-vjeçar Gavin Bazunu, i cili do t’i bashkohet klubit në verën e vitit 2019, raporton Times.
City do t’ia paguajë një shumë fillestare prej 400.000 euro Shamrock Rovers për Bazunun, i cili do të rritet nëse ai ia del të luajë për ekipin e parë të të kaltërve apo të fitojë vend në ekipin kombëtar të Republikës së Irlandës.
Tottenhami dhe Liverpooli kanë qenë në garë për Bazunun. Megjithatë, shërbimet e tij i ka siguruar kampioni në fuqi i Premierligës.
