Wanda Nara, gruaja e sulmuesit të Inter Mauro Icardi, thotë se është e gatshme të kritikojë burrin e saj pasi do të jetë analiste në Mediaset.
Nara do të shfaqet në emisionin sportiv Tiki Taka, që do të transmetohet ditën e hënë në Italia 1 këtë sezon, dhe argjentinasja, e cila është gjithashtu edhe agjentja e Icardi-t, shprehet se do të tregohet 100% asnjanëse.
“Mediaset ka vite që më kërkon, por tani kam pranuar sepse mundem,” shprehet ajo për Corriere della Sera.“Isabella, vajza ime më e vogël, fillon kopshtin në shtator, kështu që do të kem disa orë të lira.
“Përveç kësaj, Mauro është në shtëpi të hënave. Kemi vendosur së bashku dhe ai është dakord dhe i lumtur.“Jam një grua e pavarur, kam punuar gjithmonë dhe nuk dua të varem nga askush, as nga bashkëshorti im, të cilin e dua.
“Të kritikojë Mauro-n në televizor? Pse jo?”