Piloti holandez i Red Bull, Max Verstappen, triumfoi sot në mbrëmje në garën e Çmimit të Madh të Meksikës në Formula 1, duke thelluar në 19 pikë diferencën me rivalin e tij kryesor për titull, Lewis Hamilton (Mercedes), që u klasifikua i dyti. Në podium u ngjit edhe meksikani Sergio Perez me makinën tjetër Red Bull, që tentoi deri në fund të partakalojë rivalin britanik, por pa sukses.
Një garë e dominuar nga makina Red Bull, me Verstappen që u nis i treti, por që në startin e garës arriti të parakalojë dy makinat Mercedes. Makina gjermane nuk dha atë që pritej, e nisi keq garën me të dy pilotët, madje Bottas pësoi aksident dhe zbriti në vendet e fundit. Kjo bëri që Verstappen të zhvillojë një garë më vete, duke iu afruar edhe më shumë titullit të parë kampion në Formula 1.
Një garë të mirë bëri francezi Pierre Gasly me Alpha Ttauri, që u klasifikua në vendin e katërt, duke lënë pas dy makinat Ferrari të Charles Leclerc dhe Carlos Sainz. Gjithsesi, “kokëkuqja” fitoi duelin me McLaren, që dështoi në këtë pistë, duke marrë vetëm 1 pikë me Norris (i dhjeti). Makina italiane ngjitet në vendin e tretë për konstruktorë. Gara e radhës, pas një jave në Brazil.
Max Verstappen wins in Mexico! 🏆🎉
And extends his championship lead over Lewis Hamilton to 19 points #MexicoGP 🇲🇽 #F1 pic.twitter.com/W5j8KZCsJj
— Formula 1 (@F1) November 7, 2021
🏁 RACE CLASSIFICATION 🏁
It's another solid performance for Verstappen 💪#MexicoGP 🇲🇽 #F1 pic.twitter.com/hHdXt9pILm
— Formula 1 (@F1) November 7, 2021
