Një kapitull i ri për “telenovelën” Malcom. Pas akuzave të Monchi dhe Pallotta, që nuk kanë miratuar sjelljen e Barcelonës, Leonardo Cornacini, një nga menaxherët e futbollistit brazilian, tregon një nga arsyet përse nuk shkoi te Roma.
“E vërteta është se Malcom nuk shkoi te Roma, sepse ata nuk u sollën mirë me ne. Po punonim edhe për Fuzato, që është një lojtar që ne përfaqësojmë. Më pas, Roma e arriti marrëveshjen me një ndërmjetës tjetër. Le ta themi se kjo na irritoi. E vërteta është se mënyra si u soll Roma ne bëri që të mos mendoheshim asnjë sekondë kur folëm me Barcelonën. Edhe Malcom është shumë i lumtur për atë që ndodhi,” – tha menaxheri Cornacini.