31-vjeçari Jamie Vardy, në prag të sezonit të shtatë me ekipin e Leicester, që nis nesër kundër Manchester United, ka rinovuar kontratën deri në qershor 2022 me “dhelprat” duke dhënë sinjalin se do ta mbyllë karrierën me këtë ekip.
Autori i 88 golave, 20 prej të cilëve në sezonin 2017/18 kur u shpall kampion i Anglisë, ishte pjesë e Anglisë që shkoi deri në gjysmëfinalet e Kupës së Botës në Rusi.
Që kur erdhi nga amatorët e Fleetwood Town në vitin 2012, Vardy ka pasur një rritje graduale që i ka dhënë aktualisht statusin e një prej sulmuesve më të mirë në Premier League.
“Të gjithë i dinë ndjenjat e mia për këtë klub. Jam shumë i lumtur që do të luajë edhe për katër vjet me Leicester,” – deklaroi Vardy.
